Busnes Teulu ERS 1927
CADWALADERS
Mae Cadwaladers, enw annwyl yng Nghymru, wedi bod yn swyno cenedlaethau gyda’ihufen iâ traddodiadol ers 1927.
Yn adnabyddus am ei hanes cyfoethog a’i ymrwymiad diwyro i ansawdd, mae Cadwaladers wedi dod yn sefydliad annwyl, gan ddal calonnau a blasbwyntiau pobl leol ac ymwelwyr fel ei gilydd. Mae pob dogn yn destament i ymroddiad y busnes teuluol i ddefnyddio’r cynhwysion gorau a’r ryseitiau sydd wedi’u hanrhydeddu gan amser, gan sicrhau bod pob blas yn daith hiraethus i’r gorffennol.
O’i leoliadau prydferth yng Nghricieth, Porthmadog, a Betws-y-Coed yng Ngogledd Cymru, Bae Caerdydd a Phorthcawl yn Ne Cymru, a Gerddi Trentham yn Lloegr, mae Cadwaladers yn parhau i fod yn ffagl melyster a thraddodiad, gan gynnig hufen iâ yngyd â blas ar etifeddiaeth Gymreig.
Yr hyn sy’n gosod Cadwaladers ar wahân yw ein hanes chwedlonol ac ein hymroddiad i arloesi a rhagoriaeth coginio. Er bod ein gwreiddiau yn hiraethu’r gorffennol, rydym yn parhau i esblygu gyda’r oes, gan gynnig troeon modern ar glasuron bythol sy’n swyno’r synhwyrau ac yn gadael argraff barhaol.
Felly, p’un a ydych yn awchu am ddogn o’n hufen iâ chwedlonol, paned o’n coffi unigryw, neu fyrbryd sawrus i fodloni’ch newyn, mae Cadwaladers yn eich gwahodd i fwynhau profiad bwyd heb ei ail. Dewch i ymuno â ni i weld pam mae Cadwaladers wedi bod yn sefydliad annwyl ers bron i ganrif.
6 pwys o “ddim yn dweud’’ a ‘llwyth o gariad a gofal’’
Dechreuodd stori hufen iâ Cadwaladers yn 1927. Roedd y teulu Cadwalader yn byw yng Nghricieth yng Ngwynedd, Gogledd Cymru. Yno, roeddent yn gwneud ac yn gwerthu eu hufen iâ fanila gyda rysáit cyfrinachol o ffenestr eu siop yng Nghriccieth.
Mae gan hufen iâ fanila Cadwaladers flas unigryw ac roedd yn hudo cwsmeriaid o filltiroedd o gwmpas. Mae atgofion plentyndod o wyliau yng Nghricieth yn parhau i ddod â chwsmeriaid yn ôl flwyddyn ar ôl blwyddyn i gael blas ar yr atgofion arbennig. Mae’r rhestr o gynhwysion yn y copi llawysgrifen gwreiddiol o rysáit gyfrinachol Hannah Cadwalader yn cynnwys; 6 pwys o ‘‘ddim yn dweud” a “llwyth o gariad a gofal’’.
Anrhydeddu traddodiad gan gyfleidio newid
Newidiodd y cwmni - gan gynnwys y rysáit gyfrinachol a’r siop yng Nghricieth - ddwylo yn yr 1980au. Roedd gwelliannau mewn deddfau diogelwch bwyd (fel dim wy amrwd!) yn golygu bod angen addasu ychydig ar y rysáit gyfrinachol.
Er mwyn sicrhau bod y blas unigryw yn parhau, mae’r rysáit yn cael ei flasu’n rheolaidd ac yn barhaus gan gwsmeriaid ffyddlon, gan gynnwys rhai a wnaeth ddechrau mwynhau hufen iâ fanila Cadwaladers yn y 1930au.
Daeth Cadwaladers yn rhan enfawr o ddiwylliant Pen Llŷn ac ymledodd enw da'r hufen iâ ymhell ac agos.
Teulu Newydd ond yr un Gwerthoedd Craidd
Yn ogystal â’r siop yng Nghricieth, mae Cadwaladers bellach i’w weld ym Mhorthmadog a Betws-y-Coed yng Ngogledd Cymru, Cei’r Fôrforwyn ym Mae Caerdydd, Porthcawl yn Ne Cymru, ac yng Ngerddi Trentham yn Swydd Stafford.
Mae’r teulu Brierley bellach yn perchen â Cadwaladers, ynghyd â’n tîm o fwy na chant, yn gweithredu’r chwe siop. Mae hufen iâ fanila enwog Cadwaladers wastad ar gael yn ein siopau, yn ogystal â dewis eang o flasau hufen iâ eraill. Mae Cadwaladers wastad yn boblogaidd yn yr haf, ond hefyd yn boblogaidd yn y misoedd oerach, rydyn ni’n darparu lleoliad cynnes, cyfforddus a chlyd i'n cwsmeriaid ei fwynhau.
Rhywbeth i bawb, gan gynnwys eich ci
Yn ogystal â bod yn siop hufen iâ arbenigol, rydym hefyd yn gweini ein blend coffi unigryw ac arbennig mewn amrywiaeth o ddiodydd poeth, blend siocled poeth blasus ac unigryw a'n te arbenigol ynghyd ag amrywiaeth eang o ddiodydd oer, gan gynnwys smwddis, frappes. ac ysgytlaethau hufen iâ ffres.
Mae gennym hefyd ddewis eang cyffrous a blasus o hufen iâ ac, yn y rhan fwyaf o’n siopau, brecwast, brecinio, cinio a bwydlen bwyd prynhawn blasus. Mae ein “polisi cyfeillgar i gŵn” yn golygu ein bod wrth ein bodd yn croesawu cŵn sy’n ymddwyn yn dda. Mae Cadwaladers wir yn darparu ar gyfer pob chwaeth a phob tymor.
Hufen Iâ a Choffi Cadwaladers
Hufen Iâ Fanila Cadwaladers
Mae ein rysáit fanila hufen iâ gwreiddiol o hyd yn cael ei defnyddio, ac yn parhau i ennyn teyrngarwch cynyddol gan gwsmeriaid sy’n gwerthfawrogi’r hufen iâ gorau oll.
Mae gan ein rysáit fanila Gymreig ddirgel flas hynod o feddal a chyfoethog, mae wedi’i stocio ym mhob un o’n siopau, mae ar gael ym mhob un o’n conau a’n tybiau, ac fe’i defnyddir yn ein diodydd oer blasus a’n syndis melys.
Blend Espresso 28/3 Cadwaladers
Wedi’i greu’n arbennig ar gyfer ein cwsmeriaid, cyflwynwyd ein blend sspresso pwrpasol 28/3 yn 2012 ac mae wedi ennill nifer o bobl ymroddedig sy’n gwerthfawrogi ansawdd mwy manwl diodydd poeth wedi’u gwneud â llaw.
Mae ein Espresso 28/3 wedi’i wneud o flend o’r ffa gorau o Ganol America, Ethiopia ac India sydd, o’u rhostio, yn creu espresso tywyll a llyfn gyda blas cytbwys sydd ychydig yn felys a ffrwythus.
Mwy Na Choffi a Hufen Iâ
Mae Cadwaladers yn cynnig detholiad eang o fwyd a diod poeth ac oer.
Cymerwch olwg ar ein bwydlen.
Ein Lleoliadau
CRICCIETH
Mae Cadwaladers yng Nghricieth mewn lleoliad gwych sy’n edrych dros Fae godidog Ceredigion, gan gynnig golygfeydd syfrdanol sy’n ategu ein hystod hyfryd o ddanteithion.
Wedi’i lleoli yn y dref arfordirol hanesyddol hon, mae ein siop yn darparu awyrgylch croesawgar a chlyd lle gall ymwelwyr fwynhau ein hufen iâ enwog, cacennau blasus, byrbrydau poeth ac oer, diodydd oer, a choffi a the ffres.
P’un a ydych chi’n cerdded ar hyd y traethau prydferth, yn crwydro Castell Cricieth, neu’n mwynhau’r awyrgylch tawel glan môr, mae Cadwaladers yn lle perffaith i ymlacio a phrofi blasau Gogledd Cymru.
PORTHMADOG
Mae Cadwaladers ym Mhorthmadog mewn lleoliad tref harbwr gwych. Mae’r dref yn adnabyddus am ei threftadaeth forwrol gyfoethog a’i harddwch golygfaol.
Yn agos at Reilffyrdd Ffestiniog ac Ucheldir Cymru, mae ein siop yn cynnig encil croesawgar i drigolion lleol ac ymwelwyr. Gall gwesteion fwynhau ein hufen iâ enwog, cacennau blasus, a choffi ffres wrth edrych ar olygfeydd swynol y dref a’i harbwr prysur.
P’un a ydych chi’n crwydro’r traethau tywodlyd cyfagos neu’n cychwyn ar daith drên golygfaol, mae Cadwaladers ym Mhorthmadog yn lle perffaith i ymlacio a mwynhau danteithion melys yng nghanol harddwch hudolus Gogledd Cymru.
BETWS-Y-COED
Mae Cadwaladers ym Metws-y-Coed yn eistedd yng nghanol Parc Cenedlaethol Eryri, gan ddarparu lle hardd a deniadol i ymwelwyr ymlacio a mwynhau amrywiaeth hyfryd o ddanteithion.
Wedi’i leoli mewn pentref swynol sy’n adnabyddus am ei harddwch golygfaol a’i anturiaethau awyr agored, mae ein siop yn cynnig awyrgylch cynnes a chyfeillgar, sy’n berffaith ar gyfer ymlacio ar ôl archwilio’r ardal leol.
Gyda bwydlen sy’n cynnwys ein hufen iâ enwog, teisennau melys a choffi ffres, mae Cadwaladers yn gyrchfan y mae’n rhaid i bobl leol a thwristiaid sy’n chwilio am ddihangfa felys yng Ngogledd Cymru ymweld â hi.
CEI’R FÔRFORWYN
Mae Cadwaladers yn Cei’r Fôrforwyn wedi’i leoli yng nghanol bywiog Bae Caerdydd, sy’n cynnig lle hyfryd i ymwelwyr ymlacio a mwynhau awyrgylch y glannau.
Wedi’i hamgylchynu gan weithgarwch prysur y gyrchfan hamdden boblogaidd hon, mae ein siop yn darparu lle croesawgar i flasu ein hufen iâ enwog, cacennau blasus, a choffi ffres.
Gyda golygfeydd godidog o’r marina ac agosrwydd at atyniadau fel Canolfan Mileniwm Cymru a Techniquest, mae Cadwaladers yng Nghei’r Fôrforwyn yn lle perffaith i ymlacio a mwynhau danteithion melys wrth fwynhau awyrgylch bywiog a golygfaol glannau Caerdydd.
PORTHCAWL
Mae Cadwaladers ym Mhorthcawl wedi’i leoli ar hyd arfordir hardd De Cymru, gan gynnig hafan hyfryd i ymwelwyr â’r dref lan môr fywiog hon.
Yn adnabyddus am ei draethau tywodlyd, ei bromenâd prysur, a’r Pafiliwn Grand enwog, mae Porthcawl yn gyrchfan boblogaidd. Mae ein siop yn darparu awyrgylch cynnes a deniadol lle gall gwesteion flasu ein hufen iâ unigryw, cacennau blasus, byrbrydau poeth ac oer, diodydd oer, a choffi a the ffres.
Cadwaladers ym Mhorthcawl yw’r lle delfrydol i ymlacio a mwynhau danteithion melys, ar ôl archwilio neu fwynhau’r golygfeydd arfordirol.
TRENTHAM
Mae Cadwaladers yn Trentham wedi’i leoli yn Ystâd a Gerddi Trentham, cyrchfan sy’n enwog am ei erddi syfrdanol, ei lyn tawel, a’i bentref siopa unigryw.
Mae ein siop yn cynnig awyrgylch clyd a chroesawgar lle gall ymwelwyr ymlacio a mwynhau ein hufen iâ, cacennau blasus, byrbrydau poeth ac oer, diodydd oer, a choffi a the ffres.
P’un a ydych chi’n archwilio llwybrau golygfaol y Gerddi Eidalaidd a llonyddwch Coedwig y Mwncïod, yn chwilio am ddarganfyddiadau unigryw yn y pentref siopa, neu’n mwynhau’r amgylchoedd prydferth, mae ein siop yn encil hyfryd yng nghanol Swydd Stafford.
Cadwaladers Cardiff Ltd, Hen Dy Fferm, Lôn Garth, Rhydri, Caerffili, Cymru CF83 3DR
HAWLFRAINT – CADWALADERS CARDIFF LTD – 2024
HOSTED BY WEBJECTS